【扮靚Blog】低能畫眉法 兩下掃出一字眉
一字眉之所以在韓國咁受歡迎，因為一字眉令女仔成個眼和眉位拉平咗，鼻睇起來都有拉直效果，望落成個樣纖細晒溫馴晒。
當中我最鍾意韓國90後天然美女朴信惠堂眉啦，畫的部份不多，非常自然。一字眉興咗咁多年，好多絲打仲係未掌握到當中的技巧，今次介紹我自己用緊的兩個方法，睇吓啱唔啱大家？
大部份人堂眉生出係彎，要拉直首先要修好眉尾雜毛，我堂眉其實都唔係修走好多，大約5mm太向下生的眉毛就要犧牲了。
方法一：填色法
用你用開的眉筆，刨尖少少，在眉底畫一直線，填補咗向上彎的空隙。
在眉頂又畫一條平行的直線，盡量直，有眉毛凸出都唔緊要，去到眉尾畫向下，與眉底直線連起（有啲似半邊梯形）。
之後用細嘴平頭眉掃，好似填色咁，將眉底線向上掃、眉頂線向下掃。
一字眉形狀已80%完成，最後用較大較軟的眉掃輕輕掃開上下兩條平行線，看起來眉色就會很自然！
方法二：素描法
一直想買支扁嘴眉筆，因為尖或圓頭筆畫上去力度容易過大，畫出來會唔自然，最近發現咗too cool for school支Glam rock urban chic eyebrow pencil，畫落有逐條眉毛畫上去的素描效果！
呢支眉筆係三角嘴，擰芯設計唔使刨好方便。
頭髮是啡紅類就可以揀01號灰褐色。
畫法好簡單，手大約在嘴位置，將筆嘴斜度跟眉毛生出來的方向平行，逐條畫上就OK，千祈唔好吊高手畫啊！
畫深色了可用另一邊筆頭的刷嘴將顏色掃開。
左邊是用扁嘴眉筆以素描法畫成的眉，右邊是用普通筆以填色法畫成的眉，自然吧！
Glam rock urban chic eyebrow pencil $100
銅鑼灣希慎廣場6樓622號鋪
Winny – 哈韓人妻
唔係女神、唔係跑手，係AB餐以外，少少肥多多寸、20到尾先發奮keep fit扮靚、目標成為玄彬級韓男都要看過來嘅C餐人妻！