魔童王維基問官員一句：「你們知道《100毛》嗎？」令時興嘅年輕人雜誌《100毛》更加紅，佢嘅facebook專頁亦越來越多人like。人紅自然吸引人去模仿，大家近日有無喺facebook發現一個叫「100毫」嘅專頁呢？呢個專頁嘅logo與內容有八、九成似《100毛》，但實情係，呢個專頁跟《100毛》完全冇關。
呢個「100毫」專頁幾可亂真，淨係講logo，紅底白字一樣，《100毛》頂頭有個Most細字，「100毫」亦整個Hold細字，發表模式都似。究竟網民參考其他專頁，再整一個類似嘅專頁涉唔涉及侵權行為嘅呢？
坊間流傳，𠵱家有部份好多人share嘅專頁其實係集團式經營，目的係儲like再作其他用途，不過網絡世紀好多事情難以求證。