【本報訊】港大比較法與公法研究中心昨日舉辦「港人講普選」研討會，講者之一、學聯秘書長周永康表示，政府即將就政改方案進行第二階段諮詢，表明不會陪政府做「假戲」，民間必然杯葛，他呼籲巿民發揮創意，集思廣益，推動不合作運動。有講者反呼籲巿民進行「合作運動」，加入建制派，體會建制的荒謬。
研討會昨午在城巿大學舉行，約200名學生及巿民出席。周永康發言時鼓勵巿民繼續團結爭普選，「以前我哋係趴喺度抗爭，𠵱家係行起身抗爭，都仲未去到大家跑住嚟抗爭，唔係完全冇希望，最緊要係有足夠人去做。」
另一講者立法會議員謝偉俊把佔領運動比喻為「六七暴動」及「災害」，「六七事件一樣，我哋要吸取教訓，有乜可以避免行錯路，吸取87催淚彈既教訓，令香港唔使白白蒙受呢次災害。」
謝偉俊引用多年前拍裸照宣傳及爭取律師收費改革的故事，指抗爭成果未必立即見到，「鬥爭係講策略，最緊要一息尚存，（周永康）唔好搞到暗瘡咁多，有啲可惜，本來好靚仔，佔領佔到成面暗瘡，你唔能夠盲目撞佢（中央），唔係去做自殘嘅嘢。」
新民黨倡合作運動體會荒謬
另一講者、新民黨成員謝子祺認為後佔領時期應發揮創意，包括「合作運動」，「好似何韻詩咁，參選體會吓體制既荒謬，進入建制派，嘗試喺現實規限中爭取。」他認為，從政者要在適當時候放棄原則，「如果你覺得瞓街係一種付出，被捕係一種付出，咁點解短期內放棄心目中既原則又唔係一種付出呢？」他建議年輕人「取代」政府，考政務主任，「話唔定20年後政改三人組就係學聯嘅朋友。」台下巿民報以訕笑。
另一講者立法會議員梁家傑在回應時表示，建制內已沒有與中央討論空間，特區政府所提的民情報告和多方平台只聞樓梯響，重申泛民必然否決8.31框架下的政改方案。