相處得太好，變「情侶」像注定。一場雨傘運動，將學聯秘書長周永康Alex同副秘書長岑敖暉Lester，連結在一起，原本說地談天的知己，難努力纏綿吃力迴避，索性變身Alexter，享受粉絲hehe哈哈。
而喺Alexter親到無可親密後，竟然有人出手爭寵。話說Lester上周應邀去商台接受訪問，有位晴朗女PA陪伴左右，影相角度令佢哋看似手牽手（左圖），搞到Alex呷晒醋。噚日輪到Alex上晴朗，主動向「情敵」挑機，親口質問女PA：「想同我爭？」（右圖）也許這種愛剛足夠，睇嚟Alexter嘅朋友無謂再引誘。Alex仲話自己引刀成一快，點知剪到個頭成「一塊」，完咗訪問即刻去飛髮。