亞視呢兩個月，差不多日日嘅新聞就係拖糧，上個月嘅糧終於出咗，但今個月過咗15日，仲未出，高層葉家寶話差1500萬就出到糧俾700 個員工，之前立法局議員鍾樹根仲藐爆搞網絡電視嘅王維基:「身家得幾十億，收皮啦」，o依家亞視連1500萬都拎唔出，仲自稱良心電視台，唔知árbol gun又會唔會叫亞視收皮呢?
不過收皮還收皮，點都要出返糧俾員工先得o架，噚日，對亞視極度忠心嘅亞生黃集鋒，忽然喺fb同微博大晒自己戶口結餘，唔係好巴閉有好多錢 ，而係得返單位數，大拿拿$7.9!佢仲寫道:「就是為了一口氣，她媽的！我也很任性」佢同事「六合彩之子」蔡國威喺微博問佢:「有冇 問題?」佢就回覆:「我生命力强，仲未死得住」之後又回覆友人:「有錢沒什麼了不起，我們有骨氣有志氣，同樣可以很任性」
雖然佢可能唔止一個戶口，又生命力強有骨氣，但都要食飯o架?同埋有骨氣，就可以唔理公司無理拖糧咩?o依家呢種心態唔得o架啦!fb 嘅朋友都好言相勸，叫佢過大台或港視自薦下。