自從智能電話出現後，的士大佬multi-tasking嘅能力進一步提升。一個人、一對眼，望五、六部電話。呢頭講電話，嗰頭用App接order，作為乘客其實真心驚。外國就有startup，聲稱話為解決司機可能因為注視汽車、手機屏幕，令車主分心問題，開發出一款汽車用的懸浮式螢幕系統Navdy。
Navdy設計的確係好型，懸浮式透明螢幕，系統會將影像投射在上面。你可以利用系統做導航、睇訊息等，放喺擋風玻璃前，好似「回到未來」咁。
不過，Navdy雖以解決司機分心問題作賣點，但事實上，唔係唔耷低頭睇mon就叫冇分心，當你行車時要分神思考其他事情，本身就已增加風險。至於Navdy至今亦冇出報告，比較同其他產品嘅安全性。然而，Navdy又型又方便，令公司已籌到650萬美元作為種子基金。由此可以預視到，過多幾年，呢種有如汽車版Google Glass仍大有作為。分心？who cares？搵食要緊。
股份方面，可以留意航天控股（031）。軍工股近來靜番落嚟，不過中央經濟工作會議強調國企改革，軍工國企混合所有制改革應該會係未來改革重點之一。長遠可繼續睇好，趁低吸納就冇死。航天控股上周五大陽燭升破10日、20日、100日線，昨日顯著破埋降軌，蓄勢待發。
Fifi
http://www.facebook.com/lovefrystock
本欄逢周二、四刊出