自從人行上月減息後，降低存款準備金率嘅傳聞，跟住嗰三個星期，基本上個個星期都喺度傳，尤其是星期五，準確啲嚟講，大家並唔係熱烈歡迎人行降準，而係熱切期待股市再度爆升，但等了又等，準還是未降。
今次減息後，股市成交金額屢創新高，姑勿論A股市場上市企業係咪被低估，基本因素係咪可以支持到A股上升，但成交金額在減息後，一度升上過萬億元水平，雖然有指唔少係來自槓桿，但資金流向股市趨勢毋庸置疑。當日人行減息，發言人解釋減息政策嘅時間，講明減息目的要解決小微企業融資成本高問題，要引導市場利率及社會融資成本下行，促進實際利率逐步回歸合理水平。結果減息後，釋放出嘅資金全部衝去股市，人行變得非常尷尬，再減準備金，又唔知啲錢由乜渠道衝去股市，A股估值點低都好，令其股價一步登天並唔係長治久安的策略，相信這就是存款準備金率幾個禮拜都降唔到出嚟嘅原因。
而家大陸銀行存款準備金率20%，有下調空間，但乜時間降係問題，相信需視乎中央防止資金過度流向股市嘅工作進度，以防止上次股市大幅波動嘅情況再出現。
流氓