隨住銅鑼灣同立法會清場，雨傘運動曲終人散，但係「我要真普選」嘅精神植根人心，抗爭運動只係化整為零，並未終結。好似社聯旗下嘅「商界展關懷」網站，前日突然出現「我要真普選」橫額（圖），取代咗網頁上原有嘅活動相片。
社聯話係黑客入侵，已經搶修緊網站。「我要真普選Umbrella Revolution」呢句標語應該同社聯嘅立場冇乜牴觸，事關佢哋發表過嘅意見書，都係反對任何特首候選人嘅政治篩選，亦建議較低比例嘅提名門檻。
但呢個政治議題同「商界展關懷」計劃冇直接關係，尤其係參與計劃嘅夥伴企業如周大福、港燈咁，肯肯定唔認同雨傘革命。