噚日我哋回顧咗盧覓雪同埋吳君如，為咗嚟緊嘅電影《12金鴨》，去到台北搵合適嘅舞男演出。兩位震波舞男施展渾身解數情挑雪雪BB，雪雪BB仲玩到隻手插入舞男底褲，超級重口味。
不過重口味片未完o架，今日我哋再睇埋下集影片。片段中，兩位精壯健碩舞男，與雪雪BB大玩「人肉三文治」，四舊胸肌夾住雪雪BB塊面係咁震震震，搞到雪雪BB 面紅耳赤，但又一臉享受咁款，不過呢個咁刺激嘅環節，都只係剛剛開始咋....
之後雪雪BB被兩位舞男捉住佢隻手，讓BB不停撫摸佢哋結實又澎湃嘅胸肌，之後兩位舞男突然用口咬實粒冰，兼拉高雪雪BB嘅玉手，由手腕舔到去胳肋底位置，令在場人士包括君如睇到咿嘩鬼叫！
舞男甚至將粒冰，用口傳到雪雪BB個口，跟住另一個舞男亦照做如儀，睇落去就好重口喇，但雪雪BB就high囉﹗