上周四金鐘佔領區清場前，唔少市民專登重返佔領區，毋忘初衷兼影相留記憶。但反佔中嘅田二少卻喺清場後，先去到金鐘影相做歷史見證，原來佢當日應英國廣播公司BBC邀請，企喺金鐘海富天橋接受訪問，咁啱見證佔領區恢復通車嘅一刻，佢話當時百感交集，但又豁然開朗。
而喺輕鬆之餘，佢話心情其實好忐忑，佢喺fb解釋，香港嘅前路，似乎仍然障礙重重，憂心可唔可以喺後佔領時代重新上路，希望各界進行理性溝通。面對時下香港，佢想起《A Tale of Two Cities（雙城記）》名句 ：「It is was the winter of despair, It was the spring of hope.（這是絕望的寒冬，這是希望的初春。）」