林二汶前晚到沙田出席「沙田節日燈飾亮燈晚會」，對於好友何韻詩於金鐘佔領區清場時被捕，二汶說：「希望佢冇事，都知道佢獲得釋放。」提到阿詩認真考慮從政，二汶說：「佢嘅精神好厲害，所以喺各個行業都會發揮得好好，會得到一定成就。」
問二汶會否幫阿詩助選？她坦言：「有需要用着我嘅地方都可以。」至於有網民推舉阿詩選特首，二汶大叫：「嘩！睇吓呢排大家爭取成點啦，如果市民可以行使到佢哋權利，而有心嘅人真係可以去選，係一件好厲害嘅事，不過呢啲都需要時間，自己有留意政治新聞，希望大家可以過快樂日子。」
此外，黃耀明一直有現身金鐘撐學生，問今日會否到銅鑼灣再撐市民？經理人郭啟華昨回覆：「明哥唔喺香港，去咗台灣出席活動，金鐘清場嗰日，佢留守到最後一秒先上機。」
採訪、攝影：譚倩宜
12月15號要記低
See See TVB．Bloody最威
http://hk.apple.nextmedia.com/tvbloody