一，差佬在金鐘清場後情不自禁表態「到此一遊」，大拍集體照，但竟然唔識用自拍神器，難怪跟留守的雨傘新世代零溝通。差人快些升呢，搞一支伸縮自拍神棍出來，拉近跟市民的距離（工展會必熱賣！）
二，學聯質疑金鐘清場時，「有人最後一刻留守」而並非「留守至最後一刻」。梁振英梁太和梁女，終於可以學林鄭，闔家鬆口氣說：see，學生根本唔係針對我，帶學生上議員辦事處沖涼的泛民，反省吓啦！
三，傳媒拍到警察入夜後齊齊在夏愨村「開飯」，但記者recap說：到了「放飯」時間……！放飯？放狗、放虎歸山、放馬過來，明白。堂堂男子漢，點解放飯？唔通，葉劉爆了堅料，差人真係唔夠飯開，要兩兄弟放下警棍hehe輪住食半盒飯？扮男神？
四，2014埋單，最爛的走數是：用刀仔食榴槤乜乜乜。階段性成果是：以雨傘和安全帽食警棍。從不兌現的民情報告是：過馬路鳩嗚都要食催淚水椒（fusion新武器，明年一定搵勇武派試味！）