富商劉鑾雄（大劉）一向痛錫兩位紅顏知己，早前有傳大劉投得兩顆分別價值2.5億及6,500多萬元的稀世鑽石，贈予呂麗君及女兒秀盈。大劉當然亦不可以冷待甘比，最近頻頻陪着甘家一家出席公開活動，昨日又現身旗下物業銅鑼灣皇室堡商場舉辦的「相逢未晚金曲派對」，甘比媽媽、家姐、妹妹、姨甥等亦有到場。
活動未開始前，穿上粉藍色衫及戴黑皮帽的甘比抱着囝囝Joseph Junior坐定定等睇騷，大劉則遲了5分鐘，原本木無表情的他，見到大女秀樺即笑到四萬咁口，囡囡還拿住公仔給爸爸，即令這位向來cool爆的商界名人心也融化了。其間有人送上棉花糖雪糕給秀樺食，但秀樺不小心跌落地，大劉就好緊張叫工作人員清理，還禮貌地說了聲：「Thank you！」又不忘替囡囡抹嘴，盡現慈父一面。
蔣志光被爆豬籠入水
之後大劉抱住囝囝，一邊與甘比密密傾，一邊聽着蔣志光和韋綺姍唱歌。而大會就安排現場觀眾玩「令你令你令灑淚」鬥高key遊戲，台下的大劉亦有肉緊跟住唱。當二人合唱飲歌《相逢何必曾相識》時，大劉即低頭細聽。蔣志光說：「好多謝佢（大劉）成日搵我商演。」蔣志光被韋綺姍爆除夕連走三場，農曆新年又去美加登台，被取笑豬籠入水，他說：「我無言呀，我向來對錢觀念唔太強。」
採訪：黃曉妍
攝影：陳俊強
12月15號要記低
See See TVB．Bloody最威
http://hk.apple.nextmedia.com/tvbloody