不計今天，2014年只餘下10個交易日，恒指升過跌過，上周五收報23249點，較2013年底時的23306點，跌57點。可能正值中國經濟由盛轉衰、外圍持續動盪，年尾還要加上油價急跌等因素，據非正式統計，今年10個散戶有9個半蝕錢，銀行及證券行外報價機，上月開始已水靜鵝飛，冷淡非常。
專業的基金界又如何？戰績與散戶不相伯仲。在頭11個月，表現錄得正回報的基金經理原本經已不多，其中「跑贏大市」的基金經理，平均回報大約為10至15%，表現不算特別好，但在年尾準備「收爐」之際，突然來一個油價大暴跌，再加上A股狂升但港股「跟跌唔跟升」，由賺變蝕回報即時變負數。
密西比聽聞，有一些原本預計今年會有花紅的基金經理，被這突如其來的跌市沖散了美夢不特止，連職位亦有可能不保，幸好其「老頂」尚算明白事理，暫沒有請食「無情雞」，惟今年所有努力化為烏有，要重新上路，更要醒醒定定，正所謂「生命無take2」。聽到快樂（落）聖誕已怕怕，要聖誕快「上」。
密西比