【本報訊】李偉才常說一句話：「You never know。」蘇聯解體、柏林圍牆倒下，「邊個估得到？事前永遠唔知」。馬克思九泉之下也沒料到，共產主義被史太林、毛澤東「過橋」，打壓民主，殘害異己，「點解共產主義冇晒市場，就係俾呢班政權搞彎晒」。他是香港第一代天氣先生、太空館前助理館長，年近耳順，四出講學，談社會公義，鬧資本主義，相信潘朵拉盒子裏仍有希望。雞蛋硬撼高牆，這年頭稱為「左膠」。
記者：王家文
關於「左膠」，李偉才說要撥亂反正，「根本中共已經唔係左，係右嘅政權，唔該搞清楚」。左派不等同左翼，後者是支持馬克思，「長毛（梁國雄）反共，但佢心口個哲古華拉就係社會主義，實際上佢係以左反左」。他說真正的社會主義是充份體現民主，大陸既無民主，也沒人權，更遑論社會主義。「如果有，點會有窮奢極侈嘅富豪、窮到燶嘅低下階層？中共仲邊係『共』，係中『資』，係法西斯式嘅資本主義」。
李偉才出了本新書叫《資本的衝動》，鬧完中共，再批美帝，「無論民主黨定共和黨，背後都係商家黨，政策係為資本家服務，向有錢佬傾斜」。
「有得揀，你去美國定北韓？」
但在資本主義的糖衣包裝下，有自由、人權、法治和投票權，「西方資本主義嘅假民主係好迷惑，共產極權嘅真專制，確實係趕客」。他說這是現實的考量，「如果有得揀，你寧願去美國定北韓？」
世事難料，馬克思死後百多年，共產主義無法抬頭。李偉才熟讀歷史，「社會主義最重要係民主」，只是過去100年，全世界都吃盡共產政權的苦頭，「史太林、毛澤東、波爾布特，仲唔死？」他說苦頭的根源，以美帝為首的西方國家責無旁貸，圍剿當時仍在襁褓中的社會主義國家，迫使她們放棄民主，以保政權，踏上專制之路，「呢個時候講唔係幾啱聽，真係有外部勢力」。
花了一年時間寫作，新書結集他去年在城市大學演講的內容，由追溯資本主義的起源，談到新興的二十一世紀資本論。演講以「繁榮反思小組」名義舉行，他是召集人，2012年曾發表公開信呼籲未來特首摒棄自由主義經濟，實踐可持續發展。
小組成員除了李樂詩、單慧珠等，還有高永文，當時他還未是「民望高」。後來一次皇仁舊生聚會，高半開玩笑跟他說：「嗰陣時我寫咋，𠵱家唔好再擺我個名。」
自幼熱愛天文，李偉才最愛科幻片《星空奇遇記》，「裏面描述嘅未來世界，冇商業活動、冇貨幣、冇人炒股票，其實係認同人類發展落去，自動就係共產主義」。
還有粵語長片裏的張瑛、白燕和吳楚帆，「人人為我，我為人人，咪就係社會主義」。但成長的六十年代，文革禍害深遠，「馬克思追求平等公義、消除貧富懸殊，出發點係良好意願，但最後得到咁差嘅結果。呢個問題，困擾咗我成世」。
李偉才在皇仁書院念預科，一級榮譽畢業於港大物理系。曾任太空館助理館長，後轉職做天文台科學主任，是第一代天氣先生，並以筆名李逆熵寫科幻小說。回歸前舉家移民澳洲，後來妹妹抱病才回流。妹妹李汶靜是無綫電視前記者，六四後被派往採訪李鵬，拒絕塗脂抹粉，贏盡港人掌聲，早年因腸癌病逝。
被視「左膠」 仍苦口婆心
李偉才曾到佔領區的民主教室講解氣候及公義。早在10月2日凌晨，他在網上發表首篇《敬告全港同學書》，呼籲學生撤退，保護抗爭成果。叫人撤離也被視為「左膠」，但他仍苦口婆心，「有時去到一個意氣地步，判斷脫離現實，以為公民抗命不斷加壓，可能去到臨界點，對方就會讓步，但我睇唔到」。
女兒入讀中大物理系，如果仍然在世，今年剛畢業。「我估佢會去（佔領），但you never know」。有日他在金鐘取了一條「我要真普選」條幅，最後決定貼在女兒房門口，「我個心都怪怪哋，係咪將自己諗法強加於佢身上呢？但我覺得唔緊要啦，估計佢都係支持呢個運動。因為佢由細到大都好受我影響，佢老竇越老越激」。