近日網上流傳疑似𡃁模曾淑雅（Jumbo）性愛照，相中除咗唔見女子雙眼外，女方裸體全見。另外，相中女子無論膚色、爆牙及髮型，都與Jumbo脗合，而該名女子髮型及爆牙位置亦左右調轉，相信係相中男子當時對鏡拍照。
咁啱得咁橋，Jumbo喺上月30號於facebook曾吐苦水：「唉。。人生最失敗。。第一次唔見電話。。天呀，好希望有好心人汁（執）左（咗）啦。」又真係咁啱，近日流出疑似Jumbo裸照，認真巧合。不過此留言已經被刪除，換來嘅係昨日Jumbo喺facebook留言：「清者自清。完全是老屈老作。今年真係犯太歲﹗﹗一笑置之﹗」
晚上Jumbo接受本報記者訪問時，又再三澄清相中人唔係佢：「好多朋友同我講呢件事，相中人唔係我，人有相似啫，好多人有長髮同爆牙，真係唔係我，我自問冇相中人咁好身材。」
咁問到點解喺facebook貼完文又急刪？佢話：「我怕越解釋，啲人越誤會。」咁之前唔見手機，當中有唔可以公開嘅相？佢就話：「都係同朋友合照，冇唔見得人嘅相，我所有相都有back up。 」
Jumbo之後再講多次話收到幾個朋友通知，原來佢有一批床照喺網上流傳緊，亦話床照入面嗰個人係佢，Jumbo話好肯定地自己從來冇影過呢啲床照。又講到相中女子有爆牙，搞到好多人誤以為係佢，但Jumbo想澄清一定唔係佢本人。Jumbo仲好希望會有原圖，如果原圖出咗嘅話，就更肯定相中人唔係佢本人。