【本報訊】「放低，唔等如唔再愛呢個人，係好難、好難。呢句係宇宙入面最難破解嘅說話」。李偉才上月出席一個生死教育講座，是這三年來首次在公開場合談及喪女之痛。女兒天蔚三年前在住所陽台墮樓身亡，他翌日前往認屍，在車上放聲痛哭，「乜唔係呢個世界好人有好報咩？」往後有段時間他像跌進深淵，「完全係絕望、無助，一種好巨大嘅悲哀想將你扯進深淵，返唔到上嚟」。
遺憾未能同去六四集會
女兒尋死原因，至今不明，但李偉才肯定，絕非如《蘋果》報道，因中大迎新營累事。他說事前一晚，一家三口才到友人家晚膳，友人是臨床心理學家，看不出天蔚有半點異樣。他說三年後的今天，仍只能以八個字作結：「既無因由，亦無徵兆。」「我可以諗出100個理由解釋佢自殺，但我亦都可以搵出200個唔自殺嘅理由，所以再問都冇意義」。
每天都掛念女兒，他寫了50多封天國家書，既是對話也是療傷。遺憾是兩父女未曾一齊出席六四燭光集會。「我好想帶佢去，但每年都遇上考試」。2011年天蔚完成高考，主動跟他說：「Daddy，我今年終於可以同你去維園。」可惜當年一家要外遊，撞正六四，改不了期，「阿女仲話：『哎吔，今年又去唔成，不過唔緊要啦，出年先去。』就係咁，卒之冇去到，其實佢係有心陪我去」。