一直以來，日本AV女優大軍，搶咗我哋香港男人唔少錢，好似波多野結衣、友田彩也香、上原亞衣等，都係好多香港男人嘅偶像，當中花費響佢哋身上嘅錢同精力，真係億億聲。
勢估唔到，除咗日本女優外，今屆國際賽，日本HR(Horse Racing)大軍亦嚟香港掘金！數數手指，一共有九匹日本馬分別列陣於四場國際賽，贏唔贏到要跑過至知，但部分日本代表好似香港一哩錦標嘅「大賽波士」，實力一啲都唔簡單，曾經響六月份出戰安田紀念賽，只係輸俾「一路通」馬鼻位屈居亞軍，屬於港隊代表勁敵之一。
另外，香港短途錦標三匹日本馬「瑞草祥龍」、「真誠少女」同「歌爾達」，全部起碼贏過七場或以上，可見都唔係水嘢，又睇吓可唔可以繼「龍王」後，再替日本隊捧走香港短途錦標！