商業主導社會環境下，都市人往往因金錢而將理想放在一旁，將想說的話吞往肚子裏，金錢彷彿「話晒事」，但亦有人放棄條件優厚的A餐而選擇尋夢的B餐，先後離開幾間大唱片公司而自立門戶的謝安琪，終於能隨心唱出自己的聲音，她說：「我唔係一個烈士，我唔係咁勇猛，但係我有一份正義感，我覺得啱嘅嘢，我就唔驚。」
撰文：馬建華
謝安琪（Kay）日前為「The ONE×寵物小精靈聖誕夢想飛行」進行揭幕儀式後接受本報專訪，明年是Kay踏入樂壇第10個年頭，先後轉換過3間唱片公司的她，每次離開都惹起不少新聞。今年初，Kay宣佈成立唱片公司「邁亞音樂」，能主導音樂方向及取材，一直以來，Kay的音樂都有種為民發聲及反映社會民生實況，今年6月30日，邁亞音樂在YouTube發佈首度曝光的新歌《雞蛋與羔羊》MV，即掀起不少話題，雖然歌曲並非派台歌，但道出不少港人心聲。
自家公司顧慮少
毅然成立自家品牌，Kay坦言是自己的心願，過去幾年每當到其他華語樂壇地區工作時，都被問到香港樂壇是否已死，亦有人覺得全因粵語樂壇失勢，才令香港歌手出外掘金，Kay說：「作為粵語歌手，我覺得帶住香港音樂去世界各地，一啲都唔失禮，香港有自己文化，有自己題材，有自己嘅聲音係好自豪嘅事。」相對地激發她思考怎樣做才能振興香港音樂事業。
思前想後，Kay直言好難，感覺就像「幾條友喺屋企嗌口號」，但慶幸身邊有一班經驗豐富團隊，他們經歷過粵語樂壇輝煌時期，深明成功音樂是怎樣做，亦知道如今是樂壇走下坡是客觀因素及環境急促變化而起，他們最後得出小公司反而有機會生存，她說：「小公司機動性同彈性大，能遊走喺唔同嘅公司之間，我哋少好多包袱，有更大自由度做好多嘢，利用呢啲優勢，我哋決定開多個新嘅Label，除咗發表我哋嘅音樂，都會想同其他地方嘅音樂人、音樂單位合作。」
跳出框框做盡啲
背後沒有大水喉提供資金，Kay笑言只得家中花園的小水喉，所以自組公司壓力大，承受風險能力不高，只要有一兩個計劃失敗便令公司告吹，但她希望令其他公司看到，遊戲可以玩得更好，她說：「呢個行業有好多大嘅規矩，的確局限咗好多發展，希望大家玩得開心啲，如果永遠只係諗競爭，唔係諗點去玩大個遊戲，只係喺間好細房內私鬥，冇乜結果，不如試吓點衝出呢間房。」
過往曾簽三間大唱片公司，Kay感激舊公司們對她的投資，她形容彼此是因了解而分開，因她的音樂思維是需要彈性。音樂作品中不時道出社會問題，Kay說：「我個人唔係一個烈士，我唔係咁勇猛，但係我有一份正義感，我覺得啱嘅嘢，我就唔驚，如果嗰件事我唔肯定，我就唔講，唔想參與，我本住好嘅心去做呢件事，我就會放膽去做，如果諗到一樣嘢值得去做，就做盡啲，今日嘅我就會叫自己做盡啲，唔好留一個後悔畀自己。」
兩男相挺
謝安琪自言並非生意人，若靠她一己之力是沒法成立公司，身邊一位重要人物便是並肩多年的經理人夏森美，Kay說：「好多人將夏森美形容到好惡搞、好難頂嘅一個人，其實佢喺我心目中唔係咁。」她解釋若以錢跟夏森美傾，他未必會聽，若再指件事能令你添不少面子，他也未必會理，Kay說：「佢有商業嘅頭腦，不過未必玩商業遊戲，佢想玩一啲遊戲係有價值嘅，對於我哋奮鬥咗咁耐嘅樂壇係有價值。」而另一位拍檔周博賢，Kay形容對方是所想所言都是一致的人。能夠遇到一班真誠的音樂人製作人，Kay自言是幸運：「我哋唔係一班好叻嘅人，但會好真摯去做嘢，冇乜私心，唔係好需要奢華，反而想用人生資源，做多啲好嘅嘢。」
12月15號要記低
See See TVB．Bloody最威
http://hk.apple.nextmedia.com/tvbloody