諗到聖誕節去ball，着咩衫搶鏡未呢？咪話八方唔賣大包益街坊，一套人形龍蝦裝，肯定激發大家齊齊為你唱支song，「你當我是龍蝦吧，誇張只因我很怕，似葉劉，似月娥的話，得到注意嗎？」嘩！係咪聽出耳油，「妖娘」三日呢？真係多得狼太大膽創新嘅衣着配搭，令大家喺呢段苦日子笑瞇瞇。
有人問我，我就會講，自從狼太12月6日以一襲大紅套裝、配以一個紮馬霸氣動作登場，令大家領略到衣着品味嘅最高境界之後，「人形龍蝦」隨即喺各界四處遊走，「人潮內越文靜越變得不受理睬，自己要搞出意外」，相信連狼太本人，都估唔到搞出咁大意外。