余文樂與周秀娜昨日到銅鑼灣出席時裝品牌活動，不過周秀娜卻因擠塞而遲到近一小時，她說：「冇預計到今日咁塞車，已經喺街口跑過嚟，塞車塞到我想遁地。」娜姐透露目前忙於購買聖誕禮物，又謂曾收過一位男性朋友穿過的皮褸。問會否以內衣回禮？她說：「着過嘅好好污糟，清潔好緊要。」
對於好友何韻詩前日於金鐘被捕，余文樂被問到有否與對方聯絡？他說：「冇喎，因為呢個時間我自己個人對呢件事係中立嘅，我唔畀任何意見，好難講係啱定係錯，希望佢冇事啦。」樂仔今年聖誕會在港度過，問到可會趁聖誕派對結識異性時，他說：「唔急啦，等搵個啱自己嘅，溝通到最重要。」
採訪、攝影：藍文浩
12月15號要記低
See See TVB．Bloody最威
http://hk.apple.nextmedia.com/tvbloody