郭偉亮（Eric Kwok）昨日於又一城出席爆谷店開幕，他透露下月將與謝婷婷拍攝新戲：「嚟緊會拍吳家麗嘅新戲，我今次會剝衫，係我入行以嚟第一次喺螢幕剝衫，因為家麗姐想我再瘦啲，所以呢排都戒緊澱粉質減肥。」問到Eric屆時是否會騷腹肌？他即笑謂：「唔會，我從來冇擁有過腹肌，亦唔打算去練。」
提到好友陳奕迅表明不會出席稍後舉行的頒獎典禮，對此Eric表示可惜：「少咗佢少咗好多歡樂，不過相信佢係有工作在身而嚟唔到，都係時候畀啲機會新人。」本月26日為何超儀生日，Eric表示聖誕節當日會與一眾好友為對方舉行生日派對，問到屆時謝霆鋒會否偕王菲拍拖出席？Eric說：「唔知呀，我都好耐冇搵過佢，特別佢𠵱家咁開心㖭！」
採訪、攝影：譚倩宜
12月15號要記低
See See TVB．Bloody最威
http://hk.apple.nextmedia.com/tvbloody