警方前日先喺金鐘佔領區完成清場行動，香港華人置業主席兼行政總裁劉鳴煒噚晚就上咗港台《星期五主場》討論有關事件，講到政府係咪贏得民心，更尖銳係話如果換咗唐英年當特首，佔領運動又會否發生㖭。
其實，之前梁特首話佔領運動與年輕人向上流問題有關，劉鳴煒擺明同特首唱反調，認為經濟、就業、發展情況都好，年輕人對政改仍有訴求。對於早前新華社文章點名指香港富商就佔領運動保持沉默，劉鳴煒喺節目中解釋商界點解喺佔中發生後變低調，又講吓自己會唔會從政，以及對1,200人選委這個制度有何意見。節目中，劉更被主持力質地產商係咪一定要賺到盡。