早前盧覓雪同埋吳君如,為咗嚟緊嘅電影《12金鴨》,就去到台北搵合適嘅舞男演出,雪雪BB仲玩到隻手插入舞男底褲,到今日又有重口味片段流出。
片段中,兩位精壯健碩舞男,與雪雪BB大玩「人肉三文治」,四舊好似有「生命」嘅胸肌,夾住雪雪BB塊面係咁震震震,搞到雪雪BB 面紅耳赤,但又一臉享受咁款,不過呢個咁刺激嘅環節,都只係剛剛開始咋....
之後雪雪BB被兩位舞男捉住佢隻手,讓BB不停撫摸佢哋結實又澎湃嘅胸肌,之後兩位舞男突然用口咬實粒冰,兼拉高雪雪BB嘅玉手,由手腕 舔到去胳肋底位置,令在場人士包括君如睇到咿嘩鬼叫!
舞男甚至將粒冰,用口傳到雪雪BB個口,跟住另一個舞男亦照做如儀,睇落去就好重口喇,但雪雪BB就high囉﹗
以為就咁結束? 當然未啦,好戲在後頭嘛﹗ 及後雪雪BB口含冰粒,而舞男就捉實佢個頭,將口中冰粒喺舞男乳頭上「游走」,最後其中一個舞男,索性拉開褲頭,示意雪雪BB將粒 冰吐入去,雪雪BB當然有咁做喇,個舞男仲即時凍到彈一彈。 相信呢次「尋找舞男的故事」,雪雪BB一定玩得好開心。
12月15號要記低
See See TVB.Bloody最威
http://hk.apple.nextmedia.com/tvbloody