雷霆周四主場迎戰騎士，賽前大家諗住欣賞兩位MVP對決，點知勒邦占士因膝傷臨時決定唔打。不過，睇養傷一排嘅雷霆孖寶杜蘭特（KD）同韋斯卜克都已經夠好睇；主隊有驚無險下贏103:94錄得4連勝，亦斷咗騎士嘅8連勝。
KD今場射入19分，表現冇交出全場最高26分嘅韋斯卜克咁搶鏡；但唔知係咪女友喺場邊睇緊波，就算穩操勝券佢都好肉緊咁叫隊友傳波畀自己。八卦網站《TMZ》爆料，KD最近成功翻撻歌手兼模特兒嘅前女友Crystal（小圖）；今場贏波，都可以當係隊友送畀佢嘅賀禮。而輸波嘅騎士，今場差啲傷埋個主力。上半場尾段K艾榮（圖）防守射緊波嘅韋斯卜克，點知膝頭撞到對方，落地後個樣好似好傷，要人扶住先行到入更衣室治理。好彩佢之後可以落番場比賽，照睇冇咩大礙。
識睇，一定係睇足英台【英波Live】：
http://soccer.appledaily.com
http://bit.ly/engballlive