警方喺金鐘清場之後，陸續有網民喺討論區同facebook公開一啲相，影到清場警察在現場攞景影團體相，而且仲擺晒姿勢，甚至拍晒手掌，仲有人以聖誕燈飾為背景拍照留念，八方最新睇到嘅一張，就係成班差人show muscle影相（圖），呢班藍衣「速龍小隊」個個手瓜起𦟌㗎！
八方之前同一位退休警官傾開，佢就話以前當差，冇人會在現場咁自拍，或者當年冇手機影相咁方便啦，但大家都知道，着得起件制服，一言一行代表警隊形象，明知早排因為清場自拍，引起好多爭議，退休警官話，最好低調啲啦，仲話如果𠵱家仲係最重視警隊形象嘅曾蔭培做一哥，仲唔一早叫停。