謝婷婷及前度男友戴尚安的媽咪戴李桂蘭等，昨晚出席手錶品牌在灣仔會議展覽中心舉行的晚宴。盛裝到場的婷婷被問到有機會跟舊愛媽咪同場會不會尷尬？婷婷表示絕對不會：「伯母同我係好好朋友，成日交換着衫心得，而且我哋又係上網shopping嘅腳，仲成日傾時裝經，佢着衫好好睇。」至於未能叫對方「奶奶」會否感到可惜時，婷婷笑言可以跟伯母認識已經很幸運。早前謝霆鋒表示不知道妹妹已經甩拖，婷婷說：「係呀，感情事我哋好少傾。」
至於露背兼露長腿現身晚宴的陳敏之，她被追問到好友胡杏兒早前在機場收到神秘人Mr. R送的玫瑰花時，她表現異常雀躍還反問記者說：「唔知，不過恭喜晒，我一陣問佢，一直都想佢搵到個好嘅男朋友，最想參加好姊妹嘅婚禮。」今年是敏之結婚後首個聖誕節，不過因為要開工拍劇，所以未能跟丈夫慶祝。
另外，黃淑儀兒子徐肇平稱很想送聖誕禮物給母親，她說：「因為佢乜都有，之前試過送廚具畀佢。」他謂目前以工作為重，感情事放得較後。
採訪：譚倩宜
攝影：陳慧安
12月15號要記低
See See TVB．Bloody最威
http://hk.apple.nextmedia.com/tvbloody