陳淑蘭、鄺美雲、方力申及陳志雲等昨日於銅鑼灣出席眼鏡店開幕。早前有報道指蘭子跟緋聞男友利承武已婚,其後卻爆出蘭子死充闊太,實情是利承武與她早已分手,並與張玉珊翻撻。對此昨日手挽Chanel手袋及戴上Chanel頸鏈的蘭子於活動上表示:「我唯一想講嘅係,我已經入行咁多年,其實傳媒點作都冇問題,但今次真係作得太大,我都唔知點回應。」
安全受威脅
蘭子表示自己入行多年,未曾被此等報道而觸怒,但她表示今次真的氣得要發律師信:「我兩年前屋企住址被公開過,自始覺得人身安全受威脅,今次佢哋又跟到返屋企。」問到蘭子現時跟利承武的關係?蘭子表示私人事不欲公開回應:「我要尊重番唔係呢行嘅朋友。」現時感情生活?蘭子說:「咁敏感嘅話題我唔答喇,總之𠵱家我好開心,亦都好感恩,知道大家好關心我嘅私人生活,但好抱歉我唔想同大家分享。」蘭子可有因此報道而跟利承武聯絡?她指不想再牽涉到對方的名字:「唔係想劃清界線,但唔想影響到任何一個唔想曝光嘅朋友,我會保護屋企人同所有朋友。」
跟周焯華(洗米華)太太陳慧玲份熟好友的鄺美雲(Cally),被問到對方近日頻頻於微信圈發文講「小三」一事,Cally說:「周太好好,但佢自己嘅事等佢自己講番,自己唔方便去評論。」但Cally坦言早前到澳門出席活動時,也有見過周太,她說:「啱啱喺澳門活動度見到佢,佢都好開心,keep得好好,公司生意亦都打理得井井有條,但其他事我就唔方便講。」本月24日是Cally的生日,她透露屆時會於家中舉行生日派對,問到會否邀請周太出席?Cally表示屆時會邀約不同好友出席。
採訪、攝影:譚倩宜