上一代着重子承父業，希望傳統可傳承下來。前資深練馬師伍碧權近年退下前線成為馬評家，但一直不希望兒子伍鵬志（Pierre）走他後路。「佢話入呢行好辛苦㗎，點知真係好辛苦，但好開心」，Pierre從小跟父親出入馬場，愛馬之心根深柢固。
Pierre由八歲開始學騎馬，說起與馬的淵源，不經意流露純真之情，「Pony size（小型）嘅馬好可愛！」自小跟着爸爸伍碧權出入馬房、相馬拍賣會，即使遠赴澳洲念大學，也要到附近牧場的馬房做兼職，清洗馬房、策馬親力親為。回流後便立即報考馬會見習策騎員，豈料曾當練馬師30年的父親卻不贊成，「佢話壓力好大，我又可以有其他選擇」。為表決心和達到策騎員的標準體重要求，他用兩年時間苦減60磅，最終順利取錄。
凌晨3點起床 沒空交女友
現在他已是著名練馬師蘇保羅的助理練馬師，每日負責照顧馬房50匹馬，包括執行訓練、安排人手及事前準備等。其中壯馬「友瑩格」星期日將代表香港出戰國際一級賽事「浪琴表香港短途錦標」，採訪當日也非常小心看待牠，原來這隻馬甚有脾氣，「每次出賽前都要同佢搏鬥，唔肯行又會咬其他馬，要控制佢好考技巧」。
從小與馬結緣，Pierre深諳馬兒相處之道，「唔好怕佢哋煩同悶，有時佢哋會好黐身，但又永遠都係得嗰個表情」。分不清是Pierre佔領馬房，或是馬兒佔領了Pierre的心房，即使放假，只要有馬主或練馬師打電話來，就會立刻回去，「就好像幼稚園老師咁，要睇住啲細路」。他還修讀賽馬證書，希望早日成為練馬師，「當你見到一隻有傷患嘅馬醫番好，仲跑贏咗，呢一份滿足感係形容唔到」。
不少人覺得在馬會當訓練員就像苦行僧，每天凌晨３時多便要起床開始訓練到下午，夜晚還要進行額外體能訓練。31歲的Pierre過着老人般生活，每天3時多起床、１０時多便睡覺，「有時候朋友約我8點幾食飯，我都會覺得太遲返屋企，驚第二日冇精神」。談起會否沒時間交女友，外貌俊朗的他突然青澀起來，「𠵱家好忙，冇乜時間……」
記者 黃靜薇