警方昨午在海富中心天橋不斷警告市民趁最後機會離開佔領區，82歲的麥婆婆卻堅持坐在夏慤道的石壆上，晚上亦主動到最後陣地，直至被拘捕。她說：「學王丹話，唔想啲學生仔孤單囉」。
拄着柺杖、背着背包的麥婆婆對被捕處之泰然：「拉咪拉囉，有咩好怕喎」，想想又對記者說：「你同事都被打，話佢襲警，你都唔驚啦」。婆婆健康欠佳，兒子也不太支持佔領行動，但無阻她遠由荃灣的家到佔領區支持學生。
學生流淚勸離開
在9.28警方以催淚彈驅散佔領人士當日、示威者衝擊龍和道及立法會防線時，她都有在旁支持學生，「個個都好關照我，成日叫我走，但見到啲學生好乖，夜麻麻都挑燈睇書，為民主瞓馬路，被打到背脊傷晒，我好心痛呀」。
原本擔心被拘捕、就讀城大的梁同學，因勸導麥婆婆離開而留下，但婆婆不願離開，反促流着淚的梁同學先走，「你喊咩？你俾人拉就返唔到學，我一大把年紀又唔使做功課，拉就拉，怕佢咩」。梁同學最終無奈與麥婆婆道別。
中大新聞及傳播學院前兼任講師陳慶源自警方廣播警告後，就陪伴着麥婆婆，確保其安全。同樣無懼被捕的他認為，清場只是拉長戰線，相信日後會出現全面的不合作運動，「我對香港嘅年輕人好有信心，政府的確係失去一整代人，年輕人會用唔同方法去抗爭。政府再唔改，怨氣積累落去，都好難管治」。
陳慶源以台灣近來的九合一縣市選舉為例，國民黨大敗，與香港回歸後的不穩定政局亦有關係。台北市由無黨派候選人柯文哲勝出，更是值得香港借鏡，「台灣公民社會發展得比香港好，跳出依賴政黨政治的模式」。