現職自由攝影師的葉先生（圖），曾經是報章攝影記者。由記錄者轉為抗爭者，他心情平靜，只因仍相信道德感召的力量，不戴口罩、眼罩或護盾，「和平、忍耐係最大嘅武器，我唔信警察咁都會做出唔對稱嘅事」。
昨日終極清場，葉先生發現願意被捕作承擔的人比想像少，「有少少失望」。他認為年輕人已付出太多，「佢哋仲有好多嘢未試，好多地方未去。成年人唔係冇努力過，但未夠，其實我哋嘅責任，係無可推卸㗎」。
後佔領時代的下一步行動，他還看議會內的抗爭，尚有信心泛民能行使否決權。說到政改第二輪諮詢，他卻感悲觀，「咁大嘅聲音，佢都唔理，喺所謂落閘決定下做諮詢係無意思。我最憤怒係，港府放棄維護香港嘅機會」。