正所謂「最鋒利嘅嘴，都有出事嘅一日」，摩連奴上輪賽前諷刺紐卡素對其他球隊時放軟手腳，只會「揀波踢」，對車路士時先會踢出真功夫！可惜摩連奴不幸預言成功，車路士不敗金身就由喜鵲所破。如果摩連奴冇講錯嘢的話，今個星期阿仙奴（圖）定可將紐卡素手到拿來！
自紐卡素重返英超後，雙方9次對賽喜鵲只曾1勝，落敗率更接近7成，甚有「格食格」味道。現在最打擊柏度的，就是首席門將告魯爾長傷，後備門將洛艾利洛又同時有傷在身不能隨隊，惟有繼續用上年僅21歲的3號門將積安域，為喜鵲的防線帶來不穩因素。除了兩位門將外，賴恩泰萊、施安迪莊繼續因傷避戰，史提芬泰萊、穆沙施素高又要停賽，今仗人腳不整，柏度難以隨心所欲調兵遣將。
阿仙奴也有一個「特質」，就是每當球隊成績和表現欠佳，球迷的批評開始不斷增多之際，球隊便會突然重上正軌，使雲格解除壓力。據聞上周雲格坐地鐵時被球迷辱罵，阿仙奴隨即在歐聯大勝而回！有說是因為雲格在一班球員心中份量十足，只要一聲令下，眾將立即發揮鞠躬盡瘁精神，這情況近年經常循環發生，使廠迷對雲格又愛又恨。幸好雖然球迷不斷施壓，艾朗藍斯透露球隊內部仍是一致支持雲格，這也是我相信阿仙奴今周能再勝一仗的關鍵！
KIT
波馬雙線主持