吳君如日前與「三色鴨」白淨蔡瀚億（BabyJohn）、金裝劉浩龍（師兄）和黑仔姜皓文在大帽山為賀歲片《12金鴨》開工，更順道與BabyJohn慶祝28歲生日，大感意外的BabyJohn說：「喺化妝間補妝嘅時候，導演（鄒凱光）cool爆咁行埋嚟同我講，叫我出一出去，最初仲以為做錯咗嘢，點知行咗出去帳篷之後，師兄即刻唱生日歌，好有驚喜！大家好有心！今次係我入行以嚟，第一次喺工作中度過生日，仲要係喺大帽山山頂，夠晒特別！」打扮成G-DRAGON（GD）的君如，隔着口罩獻吻，又搞笑地祝BabyJohn「俾多啲女追」，身為人夫的BabyJohn即說：「呢啲唔得！」
瞓草地鬥做鴨
君如笑稱今次會以黑仔、師兄、BabyJohn這個「三色鴨」組合先打頭陣，其他正菜陸續登場，絕對鴨色生香，他們三人為了今次的演出，事前亦做了不少準備工夫，隨時在戲中晒身材。慶祝完生日後，他們隨即投入拍攝工作，師兄先瞓身在草坡上擺出雄風甫士，BabyJohn則扮攝影師為他拍攝，結果姜皓文忍不住加入戰團，場面認真搞笑。另一方面，君如專程邀請正在北京演出舞台劇的資深演員盧燕返港演出一角，大家相處完全沒有代溝。
撰文： 張曦彤