天下無不散之筵席，大部份泛民主派議員，今日都會留守金鐘，陪各位佔領者散席。但工黨張國柱，竟然被禁足金鐘佔領區，被迫隔岸觀火冇得一齊埋單。
但大家千祈唔好怪阿柱，實情向張國柱下禁制令嘅，正正係泛民，事關阿柱早前驗出患上胃黏膜淋巴瘤，需要接受治療，既然佢嘅身體狀況唔多好，泛民當然唔會畀佢被捕啦，尤其呢排警方處理衝突時，不時被指用暴力，阿柱萬一有咩閃失，點算好呢？
雖然阿柱唔到，但工黨另外三位議員李卓人、何秀蘭同張超雄都會現身找數，相信阿柱嘅和平、非暴力精神亦都會同大家同在，八方都希望佢會早日康復，重返戰線同大家一齊並肩作戰。