【本報訊】炒家林子峰拆售筲箕灣東熹苑停車場車位，辣㷫屋苑居民，東熹苑業主立案法團呼籲車主集體拒絕認購，並正諮詢律師意見，擬日後向使用停車場的非屋苑住戶收取「買路錢」。炒家辣着多個火頭，工聯會今日聯同上水天平邨及東熹苑居民到房委會總部請願，要求政府有關部門加強監管領匯（823）售予私人財團的商場及停車場後，衍生的服務使用問題。
林子峰今年5月以7,290萬元購入領匯東熹苑商場及停車場，上周宣佈拆售停車場129個私家車位，平均每個車位賣100萬元，截至昨日已累積約200張意向登記書，超額認購約55%。據了解，當中至少一半入票者為非屋苑住戶。業主計劃明天截票，本周末發售。
基層設施變公開炒場
受影響的東熹苑業主立案法團副主席黃德成批評，「領匯無能、炒家無良」，將基層市民的設施變成「公開炒場」，同區愛蝶灣車位售價由30萬至40萬元，但炒家現在將每車位售100萬元，日後租金勢將飆升，要居民捱貴租。面對炒家炒賣原屬屋苑的設施，東熹苑業主立案法團呼籲車主集體拒絕認購車位，派傳單指「買車位會養肥炒家」。
目前法團正諮詢律師意見試圖杜絕炒風，黃德成指：「停車場唯一行車路業權歸屋苑業主，如非屋苑住戶是否要收費呢！（即收買路錢？）唔好咁講，呢條路畀住戶用是理所當然，但畀屋苑以外嘅人使用，咁道路維修費、保安工資係邊個畀呢？呢筆錢是由屋苑業主支付，如果畀非屋苑住戶使用呢條路，咁對呢度啲居民會好唔公平。」對於屋苑業主擬向非屋苑戶住收取「買路錢」，業主林子峰回應：「呢啲等律師搞啦！」
除了東熹苑居民不滿炒家炒賣行動，同樣由林子峰買入的上水天平邨商場及車位，該邨邨民明天將聯合東熹苑居民到房委會總部示威，擔心長此下去，會趕絕小商戶、基層市民使用屋邨設施的權利遭剝削，如捱貴車租等。