【本報訊】清場前夕，一名自稱是「老散」的輔警在主場博客投稿，題為「致同僚：善良之槍的呼籲」，望同僚清場時，好好思考上級命令是否合法才執行，保障自己，別用非必要武力。他力勸手足，指大家都不是黑心警察，一旦揮警棍令學生死亡或傷殘，就會變千古罪人，「監都有得坐」。
老散輔警在文中自稱常在中環蘭桂坊執勤，一直視該處為罪惡溫床，但市民有夜蒲自由，警察亦有保護夜蒲市民的責任。就如遊行集會受基本法保障，協助公眾集會順利完成就是職責所在，長時間的佔領運動也是世界潮流，「要調節下（吓）以前對集會的想像。你都換左（咗）I PHONE，無理由仲諗大哥大時代」。
「追究起總督察都唔夠照」
清場在即，他知道同袍「好辛苦」，一心服務市民還要被叫「黑警」，但他望同事想想學堂教導的「LAW唔LAWFUL（合不合法）呀？」，先要保障自己，別使用非必要武力。「因為一向『有大食大，上級揹飛』已經唔岩（啱）用，睇下（吓）暗角7警就知，有CIP（總督察）係度架（㗎），佢叫你打，你真係打以為無事，到頭來佢自身難保，點攬D（啲）細？追究起上黎（嚟）總督察都唔夠照。」
最後他說：「作為執法者，權力係法律賦予的，同時亦被法律限制。只有在法律之內執法，法律才能保護我，CP（處長）都保唔到我。」