白鴿黨嚟緊周日改選領導層，今屆競爭激烈，4人爭主席一職，現任司庫吳永輝不單角逐主席及副主席，仲組成10人串燒兵團，以「多元、承傳、希望」為口號，主打年輕專業，名單中有6個係35歲以下嘅「乳鴿」，團隊力撐張賢登連任秘書長外，仲會爭設副秘書長一職，推薦林立志出任，希望可以帶領白鴿黨邁向多元風格，重拾市民對該黨嘅信心。
吳永輝冇正面回應勝算有幾大，但深信可以做好對外溝通工作，令個黨更多元，自言係溫和嘅人，早前仲參與民建聯創黨主席曾鈺成發起關於政改嘅聯署㖭。
但吳永輝明言遇到唔公道或者對香港人強加施壓嘅情況，都可以好強硬㗎。