樂基兒剪掉留了多年的長髮，染黑、拉直，截然不同的清爽。34歲的她，現時峇里、香港、美國三邊走，生活步伐像一隻候鳥，自由自在逐水草而飛。樂基兒和黎明離婚後，與外籍男友Denim拍拖一年又分開，腦海中，這刻只有首飾生意，愛情這回事暫時清場。至於下一個愛人？「我係冇一個taste要點揀，將來拍拖都係講感覺。」
採訪：林妙萍
攝影：周樂恒
造型：趙潔恆
髮型：Hin Wan of IL COLPO
化妝：Shuen Kong of Will Wong
服裝提供：Lane Crawford
樂基兒有工作才回港，其餘時間留在峇里設計、監控去年創業的首飾品牌。踏入12月，峇里雨季，她也是時候「冬眠」，返美國和家人過聖誕。
發掘世界
「呢個係我咁多年習慣嘅傳統，因為平時工作比較大壓力，又辛苦，冬天想同屋企人過。妹妹上咗大學讀牙醫，唔喺加州住，唔係成日見到，今年佢返嚟，可以好complete咁一齊食聖誕餐。」人越大，越想享受家庭溫暖，鬼妹仔樂基兒也不例外。16歲入行做模特兒，現時留港時間少，家之外，隨心所欲，任何國家都想去一去，「𠵱家好自由自在，carefree，世界咁大，有好多地方可以發掘。我細個時好鍾意Indiana Jones，鍾意四圍travel，識唔同嘅人、睇唔同文化。」
戀愛講Feel
前夫黎明是明星+中國人，剛分手的新西蘭籍男友Denim則是滑水教練＋外國人，下一個對象的要求，她腦中冇任何想法，「哈哈，其實我係冇一個taste點揀，所以，將來再拍拖，都係講感覺，永遠都係講感覺。」強調這刻單身，2015也冇時間墮入愛河，「冇拍拖呀，呢分鐘冇去諗，下年比較忙，幫自己嘅珠寶做trade show，啲嘢想自己睇住，未必有時間識到人。」親力親為，由電腦繪圖、到更新網頁都自己包辦，「試過畫條直線，唔小心歪咗少少，佢哋就會照做出歪嘅設計，所以用電腦準確好多。」
5月出新系列
樂基兒去年推出自家首飾品牌Smoky Roses，全人手峇里製作，定價三兩千元，首個系列18款已近全數沽清。「我一年先推出一次，每次要做半年，所以最快要5月先出到。」第二個系列用七彩半寶石、珍珠，和上季有宗教元素、摩登古典的金飾不同。
試過各式流行，獨對珠寶首飾充滿激情，「就係因為佢唔係一個trend，無論你去到Tiffany、Cartier，佢哋都有珠寶係賣咗十年。」時尚方面，她心水的今冬must have，包括：粉紅色、喱士和拼貼元素。
更多精采時尚內容，盡在 http://add.appledaily.com。