【本報訊】警方繼續打壓旺角「鳩嗚團」，昨晚近9時，大約6名鳩嗚團友在西洋菜南街百老匯戲院外聚集，警方嚴陣以待，除了有最少9名軍裝警員監視，團友身旁也有最少6名便衣警員近距離偷聽團友的對話。參與鳩嗚的市民直斥：「越來越黐線，企喺路邊講嘢都有罪，不如話我出街都有罪啦！」
昨晚近10時，約20名鳩嗚團友在西洋菜南街的豐澤外聚集。突然有一男一女被警員截查，要求出示身份證。其中一名便衣警員情緒激動說，「佢哋兩個成日影我哋啲伙記放上網，video team 過來影住佢哋。」被要求截查身份證的男子要求警方出示委任證，但其中一名便衣警未能出示，在其他警員掩護下離開。
大批便衣警包圍兩人時，一名警員向途人說：「佢哋唔肯出示身份證，有冇人有影到相？有冇人幫手做證人？」不過當有途人以手機拍下警員包圍兩人時，警察又指摘市民不是記者，不可以拍照，市民反駁：「影相都唔得？唔係記者唔影得咩？ 」警員繼續包圍，最終兩人出示身份證，警抄下資料後放行。