今期國際騎師錦標賽，算係季內其中一個高潮，禮拜日國際賽之前，先欣賞一下一級好手對陣，馬迷可以大飽眼福。
今次介紹兩個阿蘇俾大家參考，其中一個係蘇銘倫，啱啱贏咗日本盃，肯定在最佳狀態，今期佢有份角逐國際騎師錦標賽，抽到四隻馬分別係「圓融快馬」、「悅欣賞」、「爪黃飛電」同「紅簿仔」，除咗前駒近績麻麻外，其餘三隻近仗都有上名紀錄，今期由佢發揮，贏晒有乜出奇呀！
另一個阿蘇係蘇偉賢，原來本周三撞啱佢46歲生日，上周三容天鵬生日贏咗隻「天弓」，與鵬哥同期開倉嘅蘇偉賢冇理由咁失威！而且佢今期嘅「欖球鑽石」、「勝利雄心」、「天長地久」都係實力馬，呢個阿蘇都唔嘢小！