收視跌如果唔理佢，其實真係可以跌到「0」o架，某台就已經示範過喇！金牌監製就話以前並唔係咁︰「我後生啲嗰陣入TVB，收視稍為跌1到2點，大家已經好緊張，全部人好緊張應該點樣救亡，大家唔會容許睇住收視下跌而唔做嘢！」
幾千人喺度點會唔做嘢呀？唔通早前炒咗人唔夠人做嘢？冇可能的！徐緣就從客戶角度講出慘酷現實︰「客其實冇得揀，最慘係我哋買有線或者now都好，佢哋嘅差距仍然好大，金錢上可以用一筆錢同時reach到100萬人，你數吓香港有幾多個台？」
咁真係好灰吓喎，徐緣就畀返啲希望大家︰「當王維基出現，或者佢哋又繼續跌落去，咁就真係有機會，有一日會very close to其他媒體，客戶就可以重新調配過！」
電視業幾時復活？！明晚11:00《亂噏24》足本版！