《動私影》第二輯第一彈！
Gladys Li李靖筠喺中大讀酒店管理，但佢話自己唔係好鐘意，反而鍾意周圍去旅行：「其實我邊度都想去，我唔係嗰啲淨係shopping嘅人，我鍾意睇風景，鍾意去adventure，咩類型嘅旅行我都鍾意。」Gladys一講旅行嘅所見所聞，就會見到Gladys雙眼發光，佢嘅宿舍有好多唔同嘅postcard、紀念品。
Gladys多才多藝都係真嘅，攞起結他自彈自唱完全難唔到佢，Gladys話細細個已經好鍾意唱歌同做drama，亦難怪廣告商、模特兒公司都紛紛搵佢做job，佢話：「都簽咗模特兒公司，拍咗幾個廣告，都想喺幕前發展，因我真係好鍾意，有機會嘅話，我都想好好把握。」
