新一屆白鴿黨領導層月中改選，噚日截止參選報名。原來雨傘運動唔只激起年輕人關心政治，亦令唔少白鴿黨中人覺醒，事關呢屆嘅主席參選人數，竟然多達四位夠開一枱麻雀，除咗八方日前預告過嘅乳鴿仔區諾軒以及老將吳永輝，會參選挑戰角逐連任嘅劉慧卿之外，日前自首退場嘅立法會九龍東議員胡志偉，亦趕搭尾班車喺噚日報名入閘，加入主席大混戰。
志偉同八方講，呢場雨傘運動令佢有啟示，就係民主運動要深入各區開枝散葉，既然自己喺地區有多年工作經驗，何妨喺關鍵時刻多走一步貢獻更多？而佢個人亦認為，白鴿黨嘅新舊交替，傳承安排應該做得好啲，所以都臨尾入鴿籠，同其他三位黨員喺主席選舉鬥一番，畀多個選擇市民揀一揀。