【本報訊】近年抗爭現場，紀實畫家Perry Dino總是站在群眾裏，以油畫記錄歷史。近三年間，不同的社會運動緣起緣滅；近40個社運現場卻已留在Dino的畫作，掛滿數百呎的畫室，儼如社運博物館。
Dino畫作以社運為題，近年總會到各抗爭場合，一畫便畫六至十個小時，再拿回畫室風乾塗光油，全程需時一至三周。相比起可快速風乾的塑膠彩，油畫處理麻煩得多，但堅持理由很簡單，「油畫保存好耐，好似《蒙羅麗莎》咁超越時空，真正記錄歷史」。
49歲的Dino在港出世，八十年代在理工學院修讀平面設計，是嬰兒潮後的社會精英。畢業前正值六四民運，百萬港人冒雨上街聲援，Dino卻選擇躲在家中完成畢業功課。踏入社會的20年，Dino曾任職廣告公司管理層，卻刻意迴避政治，尤其六四，「自己唔係唔想睇，係唔敢睇，唔敢面對自己當年」。
D&G事件激發到現場畫畫
重新將他與社運連繫是2012年D&G事件，事緣卻是一時意氣，「佢唔俾人影相，我偏偏要去畫」。同年6月4日，Dino已轉行到中學兼職視藝科教師，學校早會時播放六四片段，23年前的畫面重新喚醒他，當晚他跑到維園，開始社運紀實畫作。
三年至今，Dino累積的畫作近40幅，由每年的7.1遊行、至反國教集會，有群眾的地方，Dino便會以油畫紀實；為期70多天的雨傘革命，他更一口氣畫下20多幅，記錄三個佔領區的初期及清場景況。
對於金鐘清場，Dino不覺可惜，因雨傘革命已喚醒市民。他坦言紀實一直是他畫畫的Safety zone（安全網），未來決定不再百分百「紀實」，會在作品加入批判。他籌備將作品製成板畫或舉行畫展，「即使我死咗，呢啲歷史仍可留傳後世」。