這刻當你走開 我的心似裂開。每當諗起，當初為狼英參選特首打生打死，甚至委身去到唐宮外大派勸降書，但最終竟然被一朝得志嘅人疏遠，直至狠心拋棄，八方相信，尖啤一定好痛心，但世界幻變，佢至少睇清人面獸心。憂鬱加上悲哀，難怪八方日前見到佢單拖路經佔銅區，都一臉愁容，但佢冇學市民去鳩嗚，只係喺佔銅區踱步，每當見到貼有寫滿批評特首同中央嘅標語，都會忍唔住望多兩眼。
當行到一個貼滿「為了下一代，狼振英下台」字樣嘅告示板前，失去所愛嘅尖啤，仲特別駐足細看，唔知係咪靜心反思，到底有冇因為錯捧呢位黑特首，令天際亦漆黑似沒未來？