就快年尾，各大傳媒、機構都例牌搞2014年之最。外電法新社近日亦公佈2014年嘅新聞年度相片，話要將世界上最好、最差、最震驚、最令人意外嘅一刻，趁年尾呈現喺讀者眼前。今年，香港嘅雨傘運動多次登上國際新聞，成為全球焦點之一。最後入選成為法新社最後20張相片中，雨傘運動係其中一張。
法新社呢張相係攝於9.28警方使用87枚催淚彈當晚嘅半夜。當晚經歷過一整日警民對峙後，警方同示威者都散晒，唔少警員喺夏愨道附近嘅天橋坐喺地上瞓着咗，有差人甚至瞓喺膠箱上面，但喺天橋下面，大批示威者佔領着夏慤道，至今仍堅持留守。