手機網絡遊戲開發商搞上市記者會都鍾意搵靚女做佈景板，噚日準備喺創業板招股嘅手遊股藍港互動（8267）都搵咗幾位着住藍色長裙嘅靚女model跟實管理層出場，配合晒「藍」呢個主題喎。
藍港創辦人兼主席王峰45歲，原來佢之前跟過小米創辦人雷軍做嘢。佢喺創辦藍港之前，喺雷軍旗下金山軟件（3888）嘅附屬公司──北京金山軟件工作，由1997年做到2007年，做過產品經理、反病毒軟件部門副總裁、數碼娛樂業務副總裁等等。佢2007年就自行創業。
藍港開發嘅遊戲都好有中國特色，除咗有《三國演義》、《倚天劍與屠龍刀》，仲有《西遊記》。