聲稱是全世界第二大商業地產營運商的大連萬達（3699），昨日終霸氣登場。市場早前已有聲音，質疑萬達估值「極之離譜」，所以遲遲都未能和基礎投資者傾掂數。唔知係咪咁嘅緣故，公司近日終肯「面對現實」，削減集資規模，估值亦較早前券商吹到的4,000億以上，降至1,870至2,220億元水平。
海迪早前曾到內地公幹，視察過萬達旗下的商場。基本上每個場口都「熟口熟面」：首先梗有一間「萬達戲院」喺度坐陣，再來就有「萬達百貨」連租幾層。再加上一間Walmart、國美電器（493）、卡拉OK和遊樂場來做「膽」，基本上已經租去商場唔少面積。萬達系內的關連交易，其實對商場貢獻不少，百貨及戲院分別是萬達的首兩大租戶，佔總租金收入約14.5%及3%。
萬達當年的崛起，靠的是「低價攞地」。由於成本平，早期項目的債務又已還清，所以就算位置唔靚、租金回報唔高，都冇乜大問題。不過，隨着萬達近年繼續高速擴張，其項目回報過低的問題，已越來越浮面：如集團最近半年的現金流已開始錄得淨流出，利潤率亦在下降。內地商場的黃金時期早已過去，究竟萬達點樣延續其增長故事？要說服投資者，睇怕唔容易。
海迪