【壹週刊】住市區養狗，連搵個狗公園都難，就算有都係得塊小草地，狗狗康樂設施欠奉。去遠啲，狗狗搭車搭船，暈車浪嘔到一地都係。
新蒲崗新開的 「香港狗校 園」，工廠大廈四樓平台有千呎空地任跑，仲有獨木橋、跳圈等設施任玩，主人可以帶狗狗來上訓練堂，仲可以買年票日日來放狗，簡直係市區狗狗佳音！
市 區有成千呎空間俾狗狗玩非常難得，「香港狗校園」負責人Ringo 和Heyton本身是馴犬師，原本只做上門訓練，教導主人如何與狗狗相處和一些簡單的指令。但寄宿訓練比上門訓練會更全面，除學識指令外，寄宿訓練會有不 同設施讓狗狗鍛練，活動空間多，亦有機會接觸其他狗狗，學習社交禮儀。「我哋搞狗狗訓練中心時，考慮到新界已有不少類近服務，於是想試試喺市區。新蒲崗最 近的寵物公園要去到觀塘，住附近的人放狗唔就腳，所以以家都幾多人嚟我哋到。」
有客人更日日帶狗狗來玩，馴犬師會盡量在旁指導，讓狗狗更 安 全。狗校園離mikiki商場不過五分鐘路程，馴犬師會帶狗狗到商場散步，適應人多車多的城市生活。
Ringo和Heyton亦希望可以藉着自己的馴犬 技能和現有場地，幫助更多狗狗，「我哋會以優惠，鼓勵狗主帶領養的狗狗來受訓，改正狗狗行為問題，減少棄養。嚟緊亦希望同狗場合作，俾狗狗接受基本訓練， 增加被領養的機會。」
星級酒店
除了訓練場地外，狗校園還設有酒店，一共有九個宿位，房間分大中小型犬，歐陸閘門代替一般鐵閘，減少侷促 感，小型犬房間設有小床讓狗狗睡覺。酒店每間房更有24小時cctv，室內外都裝有捕蚊燈，酒店房每日都會清洗消毒，每星期會全場滅蟲，減少狗狗患傳染病 機會。「我哋跟足漁護處動物寄宿牌照要求嚟做。入住嘅狗狗每日都會到室外玩三至四次，有需要亦會帶落街，隔兩至三星期我哋會幫狗狗沖涼。」
狗狗由Ringo和Heyton親自照顧，馴犬師更了解狗狗需要，喺到寄宿都好安心！
香港狗校園
地址：新蒲崗景福街108-110號超達工業大廈四樓 D-08室
查詢：facebook.com/hkdogschool
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/