前晚大台播出《歡樂滿東華》，有幾多人睇就未知，不過話晒係慈善節目，除咗一班總理，亦都會有一班熱心市民打電話去捐助，有啲公司就直頭以公司名義落名，捐錢之餘就當係喺電視賣下廣告，一舉兩得。
前日就有網民突然靈機一觸，想以「我要真普選」去捐錢，咁就真係「遍地開花」，「學民思潮」就轉發話:「大家都可以彷效啊」，但之後 有人回應，原來有人試過，但係唔得!該網民話:「2122(時間)有市民致電歡樂滿東華籌款熱線，以署名『我要真普選』捐款，遭接線生拒絕，說只能 留姓名。市民卻見有人以留句子代替姓名捐款，認為東華有心河蟹市民追求真普選的聲音。」
以前「東華」已經有好多「騎呢」走馬燈字幕捐款，好似出現過「皇家馬德里」及「巴塞隆拿」兩隊球隊個名，亦出現過「陳淨心」捐689嘅字幕，年年亦有 「無名氏」捐款，亦有好多家長幫自己屋企小朋友捐100蚊做下善事，又可以俾班仔女喺電視見到自己個名，商業公司乘機賣廣告又得，但係想要「真普選」?東華就唔俾囉。